張致恒和雯雯
〔綜合報導〕前Boy’z成員張致恒近年轉型成為全職奶爸，與太太雯雯共同育有四名子女。夫妻二人經常在社交平台上分享育兒點滴，但同時也因頻頻提及財務困境與婚姻摩擦，被網民戲稱為「網上離婚代表」。近日他接受訪問，公開談及現況及網絡壓力，盼外界能更體諒他的處境。
張致恒表示，目前的家庭開支沉重，平均每月需支出逾三萬元港幣，最大開銷來自租金與外傭薪水。他透露：「我哋早就申請咗公屋，但係輪候期真係長，單親都要排幾年，咁我哋就更加難等啦。」
談到工作，他表示現職是寬頻公司的拉線技術員，工作不輕鬆，日常甚至需要早上8點開工至晚上10點才能完成：「有時真係做到攰到癱咗，但屋企咁多小朋友，又唔可以唔撐落去。」
他坦言，過往曾嘗試不同工作，包括派傳單、在小食店打工，甚至賣過成人用品：「有人話我『變晒樣』，但我只係想搵錢養屋企人。」
至於太太雯雯的健康狀況亦令人擔憂。他透露對方長期受心臟問題困擾，經常氣喘、心跳不規律：「我唔想佢太辛苦，所以照顧屋企同出外工作我盡量包晒。」
面對不斷的網絡攻擊，張致恒懇請網民放下偏見：「一啲說話聽落好似無聊，但對有啲人嚟講可以好致命。我唔介意你哋批評，但希望講之前諗清楚後果。」
雖然現階段生活依然拮据，但他感激社會上仍有溫暖存在，包括有媽媽們送來二手玩具，亦曾因熱心網民送票，帶家人去過迪士尼：「啲人以為我哋無錢都去玩，其實係有好心人幫我哋。」張致恒表示只盼一家人平穩過日，希望大眾能放過他們，給予一些理解和空間。