姜濤自抽墮海事件　自封「落水KOL」

MIRROR成員姜濤去年6月在西環意外墮海，一度成為全城焦點。相隔一年多，他不但沒有避談事件，近日更索性將「墮海」變成廣告橋段，與馮德倫一唱一和自抽舊事，甚至自封「落水KOL」，連當日獲救後流出的照片都拿來開玩笑。

姜濤近日與馮德倫合作拍攝HSBC Hong Kong廣告，片中刻意安排兩人在海邊準備拍攝落水戲。單是姜濤身穿救生衣站在海旁的設定，已明顯令人聯想到去年轟動一時的墮海事件。

「純落水唔係我嘅selling point」

片中馮德倫飾演導演，向姜濤講解如何完成落水場面，又叫他跟着自己做。姜濤卻沒有立即落水，反而一本正經問：「係咪一定要落水㗎呢？」之後再補一句：「純落水嚟講，我諗唔係我嘅selling point。」

對白明顯以去年墮海事件作為笑點，馮德倫隨即問他是否怕水，姜濤則直接將自嘲程度再推高。「驚咩啊？落水嚟講，我都算係KOL。」

馮德倫一句拆台：又唔係自己爬返上岸

姜濤自封「落水KOL」，馮德倫亦沒有放過機會，立即笑着反駁：「KOL？落得嗰一次……又唔係自己爬返上岸，咁都叫KOL呀？」

這句其實直接玩到去年事件最受關注的一幕。

2025年6月24日下午，姜濤在西環卑路乍灣海濱長廊附近墮海，其後由途人協助救起，再由救護車送院治理。事件發生後，大量現場照片及影片在網上流傳，姜濤獲救後的畫面亦成為當時網民討論焦點。

事後姜濤曾透過社交平台報平安，表示自己只是「不小心」發生意外，並提醒外界不要過度揣測事件原因。

連獲救照片都自己攞出嚟玩

準備再次落水前，姜濤突然在意自己的造型，更提到去年意外後的照片：「上次撈我上嚟張相係差啲。」由「墮海」、「被人救上岸」到獲救後流出的照片，今次幾乎全部由姜濤本人重新拿來做笑點。

最後真正拍攝落水鏡頭時，廣告更刻意將水花效果誇張化，以慢鏡及海水特寫製造戲劇效果，將原本曾經引起全城關注的意外，徹底轉化成喜劇橋段。