網上近日瘋傳一段旺角街頭的驚人影片，片中一名白衣男子在彌敦道過馬路時，竟當街對同行女子暴怒爆粗，甚至出手篤她頭部，行為引起大批網民不滿，紛紛痛斥「蝦女人」、「樣衰到極點」，更有人擔心涉事男子有家暴傾向。
影片由網民於Instagram帳號「@bravedoghk」上載，全長約43秒。片段可見，事發當時為深夜時分，一名身穿白衣男子在旺角彌敦道衝紅燈過馬路，而疑似其女友的金髮女子則選擇留在行人路等綠燈。男子見狀情緒激動，轉身大聲咆哮：「你行唔X行啊！臭X！」，語氣極為兇狠。
然而女方未有理會，白衣男繼續走至馬路中央，再次回頭發難。他邊爆粗邊走回女子身邊，怒喊：「你行唔X行啊！X你老X！」，更突然用手指大力篤向女方頭部，力度之大令對方連退數步。女子當場被嚇得呆住，未有還手，只是快步轉身離開現場。
男子見女友離開，語氣隨即軟化，邊追邊喊：「係咪唔X行啊？唔X行我就走！」，但最終仍追不上對方，只能無奈折返，嘴裡繼續碎念：「咁你自己走啦，X你老X臭X！」。整個過程被途人拍下，影片迅速在社交平台瘋傳。
事件曝光後，網民群情洶湧，大批留言狠批男子行為失控，「好肉酸」、「淨係識蝦女人，冇X用」、「肯定係會家暴嗰種」、「呢啲人控制唔到自己情緒，女朋友早走早着」。也有網民笑指男方「自以為好型，結果全世界都笑緊佢」，並稱最後追唔上女友「報應嚟得快」。
另有網民替女方不值，質疑她當下反應太冷靜，「俾人篤到頭都唔還手，仲行得咁慢」、「應該直接跑去地鐵走人」、「好彩最終自己離開，留返少少尊嚴」。
