〔綜合報導〕現年67歲、擁有超過四十年演藝經驗的魯振順，近日於YouTube頻道《小鴻吹水站》接受專訪時，罕有地直言不諱，批評無綫電視（TVB）高層管理問題，尤其指出山頭文化盛行、資源分配不公，令不少努力工作的藝人難有機會發揮，反而部分人「高薪無貢獻」。
魯振順直指，自己多年來勤勤懇懇，對公司一向忠心耿耿，卻未獲應有的重視，甚至因不屬某派系而被冷落：「有啲人日日爆騷做到攰死，唔係佢唔叻，而係佢識人；有啲明明得，但因為唔係某山頭，就冇得做，結果淪為還騷。」
他更進一步批評幕後決策層缺乏實際製作經驗：「啲坐喺冷氣房嘅高層年年幾百萬人工，但唔知前線有幾辛苦，叫佢哋落去片場感受吓氣氛啦！」他強調，公司應優先保留有貢獻的藝人，而非一味削減幕前人手：「炒一個高層，可能就可以保住十個藝人嘅飯碗。」
對於「藝人不能做到老」的說法，魯振順則持相反意見，認為這只是推卸責任的說辭：「唔係做唔到老，而係你唔畀人繼續做，角色唔係唔啱做，係你唔畀機會。」
雖然與公司續約事宜仍在洽談中，但他坦言此番發言是出於對行業的熱愛與無奈：「我係唔鍾意鬧嘅人，如果我都要開口講，就代表問題已經好嚴重。」
對此，TVB總經理曾志偉日前接受傳媒訪問時回應，表示行業整體環境低迷，並非只針對個別藝人。他亦強調，公司政策始終需要與現實接軌。
