加蔥IG直播宣布退出微辣 及同舊愛阿晶道歉 但否認迫墮胎及出軌追儀仔

據《香港01報導》YouTube頻道微辣前經理人阿晶(Jane)昨日輕生離世,其中提到自19年墮胎後就患上抑鬱症,受情緒病纏繞4年。由於她當年曾講過舊愛加蔥強迫自己墮胎,兩人因而撕破臉對罵,曾一度自稱「不婚主義」的加蔥忽然於上年向女友儀仔求婚等等,都令加蔥成為網民圍插對象,指他有份迫死阿晶。

阿晶離世後,加蔥成為網民圍插的對象,更稱他是「殺人兇手」。(IG@on99magic)

今日晚上8時許,加蔥在自己YouTube開直播,以「對不起」為標題,全程黑畫面,直播長約8分鐘。他先宣布退出微辣,說:「做咗嘢要負責任,我唔希望因為自己做過嘅嘢影響其他唔關事嘅人,今日已經退出咗微辣。」

 

他承認墮胎一事確實影響到阿晶情緒,自己責無旁貸,向阿晶道歉,但他否認強迫阿晶墮胎,說是:「大家傾完決定唔要。」他理解很多人想為阿晶討回公道,不過也有很多人是食花生、亂帶風向,或是未了解成件事,他覺得有必要為自己澄清一下。

 

外間指他未與阿晶分手就搭上未婚妻儀仔,加蔥不甘儀仔受指摘和委屈,出聲為她澄清:「我同阿晶19年3月尾知道有小朋友,4月份唔要小朋友。呢度都講返唔要小朋友呢件事,好多人話我迫佢,我講咗好多次真係冇迫到,由我哋有小朋友,我話可以生出嚟,一齊養,到後面大家傾咗好多,覺得唔係咁適合,所以我就唔想要小朋友,最後大家傾完決定唔要,呢個係事實。當然佢去當日,我冇陪佢,呢個係好錯嘅事,原因我唔多講,但呢件係錯事。」

 

加蔥當年已曾否認自己迫阿晶墮胎,最新的直播中他再重申自己冇迫過阿晶,說:「我講咗好多次真係冇迫到」

他再釐清兩段感情的時間線,稱:「我同阿晶2021年1月分手,唔存在第三者,唔係話未一齊就想追第二個。我同儀仔21年10月份一齊,分咗手9個月一齊,長同短,交畀你哋判斷。」他指以上所講全部有證有據。

 

對於阿晶的悲劇,加蔥承認自己有責任,但不希望把不關事的人牽扯下水。此外,他宣布退出微辣:「我會退出微辣,我唔想畀網上啲人亂講。」加蔥說阿晶才剛剛離去,表示:「好多嘢要拎出嚟講都唔係依個時候,我同大家講對唔住、同阿晶講對唔住、同同事講對唔住,因為呢件事影響好多無辜嘅人,就係咁,再見大家!」

 

發佈留言

發佈留言必須填寫的電子郵件地址不會公開。 必填欄位標示為 *