〔綜合報導〕前港姐冠軍譚小環的老公、「大渣哥」創辦人蔡強榮的九龍灣分店近日爆出欠租纏身的困境。門口張貼欠租封舖告示，業主將入稟申請封舖。蔡強榮身在多倫多的他透過社交平台承認已欠租5個月，不過他表示生意陷入低谷已有兩年，特別是通關後，但為了不影響員工和供應商，一直默默支持。
他在社交平台上坦承：「其實生意差咗都年幾兩年，尤其係通關之後，不過唔想影響到班員工同埋供應商，所以一路都默默撐得幾耐得幾耐。」被問及是否拖欠員工薪水時，他強調：「員工要養家，供應商都一樣面對困難，所以我哋選擇員工同供應商優先，一路以嚟直至今天，1蚊都冇欠過佢哋。」
對於是否會結業，蔡強榮則指出：「咁又唔會，快極都仲有三幾個月之後嘅事，若然交得返哂啲租就冇事添，業主亦冇權封舖。又若然到時真係撐唔住，天下無不散之筵席，大渣哥茶記唯有提早結業，完成歷史任務。」他隨後表示經理報告生意急升200%，雖然忙碌但開心，感謝老友們的支持，並向食客表達感激之情：「無論香港又好，多倫多又好。渣哥渣嫂想衷心對大家講：感恩沿途有你，我哋並不孤單。」
